Ֆրանսիայի դեսպան Ժան-Ֆրանսուա Շարպանտիեի մամլո ասուլիսը Մեդիա կենտրոնում
13.07.2017
06:42
Ֆրանսիայի ազգային տոնի կապակցությամբ հուլիսի 13-ին Մեդիա կենտրոնում հյուրընկալվել էր Հայաստանում Ֆրանսիայի արտակարգ և լիազոր դեսպան Ժան-Ֆրանսուա Շարպանտիեն:

Մամուլի ասուլիսի ընթացքում անդրադարձ կատարվեց Ֆրանսիայի ազգային տոնի խորհրդին, ինչպես նաև հայ -ֆրանսիական տնտեսական հարբերություններին և Ղարաբաղյան հակամարտության բանակցային գործընթացին:

Ֆրանսիայի ազգային տոնի պատմական խորհուրդը

Ֆրանսիայի արտակարգ և լիազոր դեսպան Ժան-Ֆրանսուա Շարպանտիեն, մանրամասն ներկայացնելով, թե ավանդաբար ինչպիսի տոնակատարություններ են տեղի ունենում Ֆրանսիայի  ազգային տոնի կապակցությամբ, միաժամանակ պատմական ակնարկ կատարեց տոնի խորհրդի առումով:

Դեսպանի մեկնաբանությամբ հուլիսի 14-ը Ֆրանսիայի ազգային տոնի օր ընտրելը բացառապես պայմանավորված չէ 1789թ. հուլիսի 14-ին Բաստիլ ամրոցի գրավման հետ:  

«Ազգային տոնը իր մեջ մարմնավորում է երկու հիմնական հասկացություն՝ Բաստիլի գրավումը, որը խորհրդանշում է  միապետական կարգերի տապալումը և 1790 թ.հուլիսի 14-ին համադաշնության հիմնադրումը, որն իր հերթին խորհրդանշում է մեկ գաղափարի ու ծրագրի շուրջ միավորված Ֆրանսիա», -ասում է դեսպանը: 

Մակրոնի հաղթանակը միասնական Եվրոպայիհաղթանակն էր:

Դեսպան Շարպանտիեն Էմանուել Մակրոնի՝ Ֆրանսիայի նախագահի պաշտոնում ընտրվելու իրողությունը պայմանավորում  է նաև Մակրոնի ընդգծված եվրոպամետ դիրքորոշմամբ:

«Պարոն Մակրոնի եվրոպամետ ելույթում, որը վճռորոշ դերակատարություն ունեցավ նրա հաղթանակի մեջ, միաժամանակ նշված էին այն խնդիրները, որոնց հետ այսօր առճակատվում է Եվրամիությունը»,- ասում է դեսպանը՝ միաժամանակ նշելով, որ այդպիսի խնդիրներից է կառավարող բարձր օղակների և սովորական քաղաքացիների միջև առաջացած անջրպետը:

Դեսպանը գտնում է, որ այս և մի շարք այլ համաեվրոպական մարտահրավերներ հաղթահարելու և եվրոպացիների սպասումներն արդարացնելու համար, պետք է ամեն ինչ անել՝ չմոռանալով ընդգծել, որ համաեվրոպական խնդիրները պետք է հաղթահարվեն Գերմանիայի հետ համատեղ:

Դեսպանը գտնում է, որ պետք է այնպիսի Եվրոպա կերտել, որ ղեկավարողների ու ղեկավարվողների միջև անջրպետ չլինի, որտեղ կառավարողները շատ մոտ են կանգնած կառավարվողներին:

Հայաստան-Ֆրանսիա. տնտեսականը զիջում է քաղաքականին:

Հայաստանում ֆրանսիայի դեսպանը ևս մեկ անգամ վերահաստատեց իր կողմից ավելի վաղ հնչեցված այն կարծիքը, որ չնայած  բարձր մակարդակի քաղաքական հարաբերություններին, Հայաստան-Ֆրանսիա տնտեսական հարաբերությունները, հատկապես առևտրաշրջանառությունը հեռու է գոհացնող լինելուց:

Իսկ ահա Հայաստանում ֆրանսիական ներդրումների առումով դեսպանն իրավիճակը  բարվոք է համարում:

Ֆրանսիական խոշոր ընկերությունները սկսել են հետաքրքրվել Հայաստանով:

Թվարկվեցին մի շարք ֆրանսիական խոշոր բրենդային ընկերություններ, որոնք հաջողությամբ գործունեություն են ծավալում Հայաստանում: Այս առումով դեսպանը նույնիսկ դրական դինամիկա է նկատում:

«Ֆրանսիական ընկերություններին մինչ այս պահը այդքան չէր հետաքրքրում հայկական շուկան, բայց փոփոխություններ նկատվում են, դրանք լինելու են»,- նկատեց դեսպանը:

Դեսպանի կարծիքով Հայաստանի նկատմամբ տնտեսական հետաքրքրությունների աճը պայմանավորված է իրանական  և ԵԱՏՄ ընդհանուր շուկա մուտք գործելու լավ հնարավորություններով և այդ հետաքրքրությունների գործնական արտահայտության կոնկրետ օրինակներ ներկայացրեց:

«Ֆրանսիական «Շնայդեր էլեկտրիկը» Տաշիր ընկերության հետ համատեղ բացեց հետազոտական լաբորատորիա, որը հետագայում միտում ունի ընդլայնվելու: Սա էներգետիկայի ոլորտում, իսկ առողջապահական ոլորտում ֆրանսիական երկու դեղագործական ընկերություններ՝ «Սանոֆին» և «Սերվիեն», արդեն հաստատվել են Հայաստանում»,-ասաց Ֆրանսիայի դեսպանը:

Դեսպան Շարպանտիեն համոզված է, որ Ֆրանսիայից ու եվրոպայից նոր ներդրողների համար կարևոր ցուցիչ է Հայաստանում արդեն իսկ գործունեություն ծավալած ընկերությունների արձագանքը և նրանց կարծիքը առ այն, թե ինչքան հարմարավետ են իրենք զգում Հայաստանում: 

Արցախ. կանոնավոր բանակցություններ և բարձր մակարդակի հանդիպումներ  

Օրեր առաջ տեղի ունեցած Հայաստանի և Ադրբեջանի արտգործնախարարների հանդիպման կոնտեքստում անդրադառնալով Արցախայան հակամարտության բանակցային գործընթացին՝ դեսպան Շարպանտիեն նշեց, որ Ֆրանսիան  Հայաստանի և Ադրբեջանի միջև ուղիղ և հնարավորինս կանոնավոր բանակցային գործընթացի կողմնակից է:

«Պետք չէ միայն սահմանափակվել երկու երկրների արտգործնախարարների մակարդակով հանդիպումներով: Այս հանդիպումից թվում է, թե կարող է դրական առաջընթաց ապահովել՝ ենթադրելով ապագայում ավելի բարձր մակարդակի՝ երկու երկրների ղեկավարների մակարդակով հանդիպումը: Հիմա պարզապես պետք է ակտիվորեն աշխատել այն ուղղությամբ, որ այս  հանդիպմանը հաջորդեն  այլ հանդիպումներ»,- ասաց ՀՀ-ում Ֆրանսիայի դեսպանը:

Ասուլիսի շարունակությունը դիտեք այստեղ: 

 

Տեսանյութ
Print Friendly and PDF
Այլ մամլո հաղորդագրություններ
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
«Թավշյա զրույցներ» հեղափոխության դեմքերի հետ. Դավիթ Սանասարյան
16.05.2018
16:00
Մայիսի 16-ին «Մեդիա կենտրոնում» տեղի ունեցավ հանդիպում «թավշյա հեղափոխության» ակտիվ մասնակից, «Մերժիր Սերժին» նախաձեռնությանանդամ, ՀՀ քաղաքացի Դավիթ Սանասարյանի հետ:
«Դատաիրավական համակարգի բարեփոխումների պահանջ. իրավապաշտպանների առաջարկները»
15.05.2018
13:00
Դատաիրավական համակարգի առողջացման համար անձերի փոփոխություն է պետք. շատ դատավորներ կան, որոնք այս տարիների ընթացքում դատական համակարգի նկատմամբ լուրջ անվստահություն են ձևավորել:
«Պուտին-Փաշինյան հանդիպում․ Հայ-ռուսական հարաբերությունների հեռանկարներ ու ՀՀ արտաքին քաղաքականության գերակայություններ»
15.05.2018
11:00
Մայիսի 15-ին «Մեդիա կենտրոնում» տեղի ունեցավ քննարկում «Պուտին-Փաշինյան հանդիպում․Հայ-ռուսական հարաբերությունների հեառնկարներ ու ՀՀ արտաքին քաղաքականության գերակայություններ» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ