«Դպրոցների օպտիմալացման գործընթաց. բարեփոխո՞ւմ, թե՞ մտահոգիչ ռիսկեր»
02.06.2017
12:00
Հունիսի 2-ին «Մեդիա կենտրոնում» տեղի ունեցավ քննարկում «Դպրոցների օպտիմալացման գործընթաց. բարեփոխո՞ւմ, թե՞ մտահոգիչ ռիսկեր» թեմայով:

Քննարկման բանախոսն էր կրթության փորձագետ Սերոբ Խաչատրյանը: Քննարկման սկզբում կրթության փորձագետը նշեց, որ ինքն ամենևին էլ դեմ չէ օպտիմալացման գործընթացին, և խնդիրը ոչ թէ օպտիմալացումն է, այլ դրա կազմակերպումը:

Սերոբ Խաչատրյանը կարծում է, որ օպտիմալացումը չպետք է դառնա բիզնես մտածողության արդյունք, այն ավելի շատ սոցալական ուղղվածություն պետք է ունենա:

«Օպտիմալացումը պետք է լինի մեծ ծրագրի մի մասնիկը: Չեմ կարծում, որ պարզապես օպտիմալացում անելն արդյունավետ չէ: Ընդհանուր կրթական համակարգը պետք է դիտարկենք և տեսնենք, թե ինչպես պետք է անել օպտիմալացում: Մենք Հայաստանում անընդհատ դրվագային բարեփոխումներ ենք անում»,- նշում է Խաչատրյանը:

Վերջինիս կարծիքով դպրոցների օպտիմալացման գործընթացը պետք է շրջանցի գյուղական դպրոցները, իսկ խնայված գումարները ճիշտ կլինի ուղղորդել գյուղական դպրոցներին, որտեղ օգնության մեծ կարիք կա:

«Գյուղեր կան, որտեղ ուղղակի չես կարող փակել դպրոցները: Շիրակի մարզում ձմռանը ճանապարհները փակ են, կան գյուղեր լեռնային, որտեղ ճանապարհները վատ են: Եթե այդտեղ անգամ 3 աշակերտ կա, պետք է այդ դպրոցը պահել, նույնը սահմանամերձ գյուղերում:Միեւնույն ժամանակ, գյուղեր կան, որոնք վերջանում են ու անմիջապես մյուս գյուղն է սկսում, եւ եթե ճանապարհի խնդիր չկա, կարող են եւ այդ տեսակ գյուղերն էլ միավորվեն»,-ասում է փորձագետը:

Խաչատրյանը նկատեց նաև, որ դպրոցների օպտիմալացումը պետք է դիտարկել Սերժ Սարգսյանի այն հայտարարության համատեքստում, որ 2040թ. նպատակ կա Հայաստանի բնակչության թիվն ավելացնել:

«Եթե բնակչության թիվն հասնելու է 4 մլն, այդ դեպքում ինչու փակել դպրոցները: Մենք նման օրինակ ունենք մեր աչքի առաջ: Երեխաների պակասի պատճառով մանկապարտեզները փակեցին, իսկ երբ դրանք դարձան անվճար, բոլորը սկսեցին երեխաներին տանել այնտեղ, հիմա էլ տեղ չկա, պայմաններ չկան, երեխային մանկապարտեզ ընդունելն ավելի դժվար է դարձել, քանի Երևանի պետական համալսարան»,-նկատում է Խաչատրյանը:

Փորձագետը գտնում է, որ օպտիմալացման արդյունքում լավ ուսուցիչները գործազուրկ չպետք է դառնան և պետք է իրականացվի գիտելիքի ստուգում, իսկ բարձր առաջադիմություն ցուցաբերածներին անհրաժեշտ է տեղավորել աշխատանքի:

Տեղեկացնենք, որ քննարկմանը հրավեր էր ուղարկվել նաև ՀՀ Կրթության և գիտության նախարարություն:

Քննարկման շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
«Ընտրովի՞ հումանիզմ, ակնկալիքները միջազգային կառույցներից»
17.10.2020
11:30
Հոկտեմբերի 17-ին Մեդիա կենտրոնն անցկացրեց առցանց քննարկում «Ընտրովի՞ հումանիզմ, ակնկալիքները միջազգային կառույցներից» թեմայով։
Պատերազմական իրավիճակում կորոնավիրուսի թվերի աճ. ինչպե՞ս պայքարել
15.10.2020
12:00
Հոկտեմբերի 15-ին՝ ժամը 11։30-ին, Մեդիա կենտրոնում տեղի ունեցավ քննարկում «Պատերազմական իրավիճակում կորոնավիրուսի թվերի աճ. ինչպե՞ս պայքարել» թեմայով։

Առանց տողատակի. ո՞րն էր վարչապետ Նիկոլ Փաշինյանի ուղերձը
14.10.2020
16:30
Հոկտեմբերի 14-ին, ժամը 16:30-ին, Մեդիա կենտրոնը անցկացրեց հարցազրույց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանի հետ:Թեման «Առանց տողատակի. ո՞րն էր վարչապետ Նիկոլ Փաշինյանի ուղերձը»:
Մեդիագրագիտությունը և տեղեկատվական անվտանգությունը հակամարտության ընթացքում
14.10.2020
15:00
Հոկտեմբերի 14-ին, ժամը 15:00-ին, Մեդիա կենտրոնը իրականացրեց առցանց վեբինար «Մեդիագրագիտությունը և տեղեկատվական անվտանգությունը հակամարտության ընթացքում» թեմայով։

Օդային տագնապ. ի՞նչ անել
13.10.2020
14:00
Հոկտեմբերի 13-ին, ժամը 14:00-ին, Մեդիա կենտրոնը կազմակերպեց վեբինար «Օդային տագնապ. ի՞նչ անել» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...