Ինչպե՞ս վերջ դնել կրթության ոլորտի քաղաքականացվածությանը. բանավեճ
12.05.2017
11:00
Կրթության ոլորտում եթե Երևանի ավագանու ընտրություններին մասնակից իշխող Հանրապետական կուսակցությունը կարեւորում է դպրոցների եւ մանկապարտեզների վիճակի բարեւլավմանն ուղղված ծրագրերի շարունակականությունը, ապա «ԵԼՔ» դաշինքն, առաջին հերթին, շեշտում է մայրաքաղաքի հանրակրթական եւ նախակրթական հաստատությունների քաղաքականացվածությանը վերջ դնելու հանգամանքը:

«Եթե «ԵԼՔ» դաշինքի թեկնածուն դառնա քաղաքապետ, առնվազն Երևանի քաղաքապետարանի կրթության վարչության պետը չպետք է լինի կուսակցական: Բացի այդ ստեղծվելու է հատուկ հանձնաժողով ընտրությունների ժամանակ մանկապարտեզների եւ դպրոցների տնօրենների՝ աշխատանքային ժամերին ներգրավվածությունը քաղաքական գործընթացներին ուսումնասիրելու համար»,- հայտարարեց «ԵԼՔ» դաշինքի ավագանու թեկնածու Անահիտ Բախշյանը:

Հիշեցնենք, որ մանկապարտեզների եւ դպրոցների տնօրենների՝ անցած ԱԺ ընտրություններին իշխող ՀՀԿ-ի օգտին ձայներ հավաքագրելու մասին տեղեկությունները հաստատվեցին «Իրազեկ քաղաքացիների միություն» ՀԿ-ի աղմկահարույց բացահայտումների արդյունքում: Այդ տեղեկությունները հաստատել էին հենց տնօրենները, որոնց խոսքերը ձայնագրվել էին: Իշխող կուսակցությունը դատապարտեց այդ քայլը, իսկ դատարանը չընդունեց այդ փաստերը որպես հավաստի ապացույցներ:

Հենց այս տրամաբանության մեջ Անահիտ Բախշյանին հակադարձեց ՀՀԿ Երևանի ավագանու թեկնածու Արմինե Հովհաննիսյանը: «Չհոգնեցիք, նույն հարցի մասին խոսելուց եւ նույն թեման ամեն անգամ բարձրաձայնելուց», - հարց հնչեցրեց նա եւ հավելեց. «Իմ պատասխանը նույնն է: Այդ ձայնագրություններում ոչ մի հանցագործության տարր չկա»:

«Մեդիա կենտրոնում» մայիսի 11-ին «Հանրակրթության ոլորտի խնդիրների լուծումները նախընտրական ծրագրերում. Երևանի ավագանու ընտրություններ 2017» թեմայով բանավիճեցին Անահիտ Բախշյանը եւ Արմինե Հովհաննիսյանը:

Միեւնույն ժամանակ Անահիտ Բախշյանը մտահոգություն հայտնեց, թե արդեն երկու տարի է՝ ուզում է ըստ մանկապարտեզների՝ հերթագրված երեխաների ցանկը վերցնել, սակայն մերժում է ստանում: «Ես գրել եմ ըստ մանկապարտեզների՝ ինձ տվել են ըստ վարչական շրջանների: Կան դեպքեր, երբ երեխան պետք է մանկապարտեզ հաճախեր, բայց դեռ հերթում է», - ասաց նա՝ հավելելով, որ թեպետ այժմ ներդրվել է մանկապարտեզներում երեխաների հերթագրման էլեկտրոնային համակարգ, սակայն այդ համակարգը ծնողներին հասանելի չէ: «Մարդիկ չեն կարող տեսնել, թե իրենց երեխայի հերթը, երբ կհասնի, եւ տեղեկանալ այլ մանրամասների», - ասաց նա:  

Մանկապարտեզների խնդրի մասին խոսելիս բանախոսը ցավով հիշեցրեց, որ փակվել է «Սեբաստիա» մանկապարտեզը, այն օտարվել է Ալեքսանյան ընտանիքին: Մինչ այդ քննարկմանը մասնակից ՀՀԿ թեկնածուն նշում էր, որ իրենց իշխանության օրոք մանկապարտեզ կամ դպրոց չի օտարվել, սակայն նա ընդունեց, որ մանկապարտեզ հաճախելու հարցում հերթեր են գոյանում:

Բախշյանը նաեւ ընդգծեց, որ այսօր մանկապարտեզների խմբերում մեկ դայակի հաշվով երեխաների թիվը շատ բարձր է, ինչն անընդունելի է: «Խմբեր կան, որտեղ 40-42 երեխա են երեք տարեկան: Մեկ դաստիարակ, մեկ դայակ, որոնք ստանում են նվազագույն աշխատավարձ: Եվ այդ մարդկանցից ո՞նց պահանջես այդ երեխաների դաստիարակություն, խնամք: Այդ հարցը բազմիցս քննարկվել է, բայց լուծում չկա, քանի որ տեղը քիչ է», - ասաց նա:

Արմինե Հովհաննիսյանն անդրադարձավ այն հարցին, որ Երևանում այլևս գոյություն չունեն չջեռուցված դպրոցներ, գրադարաններ, մանկապարտեզներ. «Մասնակի կամ հիմնանորոգվել են շուրջ 140 մանկապարտեզներ», - ասաց նա՝ հավելելով, որ ՀՀԿ-ը հենց այս ծրագրերն է շարունակելու վստահության քվե ստանալու պարագայում:

Քննարկման ժամանակ բանախոսները նաեւ բարձրացրեցին մանկապարտեզների դայակների եւ դպրոցների ուսուցիչների ցածր աշխատավարձների խնդիրը: «Դպրոցներում ուսուցիչները վարձատրվում են աշակերտների քանակով եւ դասաժամերով: Այժմ այնպիսի մի իրավիճակ է, որ դպրոցներում ուսուցիչների զբաղվածությունը նվազ է եւ աշխատավարձն էլ է քիչ: Եթե կրճատումներ արվեն, ապա դա մեծ սոցիալական լարվածություն կառաջացնի: Ուղղակի պետք է կրթույանը շատ ֆինանս հատկացնել եւ նորմալ վարձատրել ուսուցիչներին», - ասաց Բախշյանը:

Արշալույս Մղդեսյան, «Մեդիա կենտրոն» ծրագրի համակարգող-խմբագիր

Հեղինակի հետ կապվելու համար գրեք arshaluismghdesyan@pjc.am հասցեին:

 

 

Տեսանյութ
Print Friendly and PDF
Այլ մամլո հաղորդագրություններ
«Իրավախախտումներ բերման ենթարկվածների նկատմամբ. քաղաքացիական ակտիվիստ Տիգրան Մազմանյանի կալանավորման որոշումը»
20.04.2018
16:00
Քաղաքացիական ակտիվիստ Տիգրան Մազմանյանին 2 ամսով կալանքի տակ պահելու դատական որոշումը փաստաբանները որակում են քաղաքական հետապնդում քաղակտիվիստի նկատմամբ:
«Լրագրողների նկատմամբ բռնություններն ու մասնագիտական գործունեության խոչընդոտումները բողոքի ակցիաների ժամանակ»
20.04.2018
15:00
Հայաստանում ապրիլի 13-ից սկսված քաղաքացիական անհնազանդության ակցիաների ու բողոքի գործողությունների ընթացքում բռնությունների են ենթարկվել լրագրողներ ու խոչընդոտվել է լրագրողների ու լրատվական կազմակերպությունների աշխատանքը։
Լարված իրավիճակ ՀՀ-ում. «թավշյա հեղափոխությո՞ւն», թե՞ սովորական ճգնաժամ
20.04.2018
12:00
Սերժ Սարգսյանի վարչապետության դեմ ընթացող ամենօրյա հանրահավաքները սկսած ամսի 17-ից չունեն կոնկրետ նպատակ: Ցույցերը շոու է դառնում, կառնավալ է հիշեցնում, իսկ Սարգսյանի հրաժարականի պահանջի իրատեսականությանը նույնիսկ հանրահավաքի շատ մասնակիցներ չեն հավատում:
«Փոփոխության պահանջի ալիք. իշխանության արձագանքն ու հանգուցալուծման հնարավոր տարբերակներ»
19.04.2018
11:00
Շուրջ մեկ շաբաթ է, ինչ Երևանում շարունակվում են ՀՀ ԱԺ պատգամավոր Նիկոլ Փաշինյանի քաղաքացիական անհնազանդության ակցիաները՝ ընդդեմ Սերժ Սարգսյանի վարչապետացման: Ապրիլի 17-ին ՀՀ նախկին նախագահ Սերժ Սարգսյանը ԱԺ 77 պատգամավորների կողմից ընտվեց ՀՀ վարչապետի պաշտոնում, այդպիսով 3-րդ անգամ ստանձնեց երկրի ղեկավարի պաշտոնը:
«Ժողովրդավարական արժեքները և Սերժ Սարգսյանի կառավարման 10 տարիները»
12.04.2018
16:30
Շատ ավելի կարևոր է ստեղծել ազատ հասարակություն, որը կթելադրի իր կամքը, որը թույլ չի տա ժողովրդավարությունը ընկալել որպես իշխանավորի բարի կամք կամ չարի կամք:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ