«Մարդու իրավունքների հիմնահարցերը քաղաքական ուժերի նախընտրական ծրագրերում»
16.03.2017
19:30
Մարտի 16-ին «Մեդիա կենտրոնի» նախաձեռնությամբ «Ա1+»-ի հեռուստատաղավարում առցանց ուղիղ հեռարձակմամբ անցկացվեց բանավեճ «Մարդու իրավունքների հիմնահարցերը քաղաքական ուժերի նախընտրական ծրագրերում» թեմայով:

Բանավեճի բանախոսներն էին Արտակ Զեյնալյանը (ԵԼՔ դաշինք), Արամ Մանուկյանը (ՀԱԿ-ՀԺԿ դաշինք), Անահիտ Բախշյանը («Ազատ դեմոկրատներ» կուսակցություն), Բագրատ Եսայանը («Հայ հեղափոխական դաշնակցություն» կուսակցություն) և Տիգրան Սարգսյանը («Հայկական վերածնունդ» կուսակցություն):

«Այսօրվա վիճակով մարդիկ ինչպես են ընկալում մարդու իրավունքների պաշտպանությունը Հայաստանում, յուրաքանչյուրը թող ինքը մտածի՝ ինչպիսին է այսօր այդ վիճակը: Արդյո՞ք ՀՀ-ն կատարում է իր վրա դրված պարտականությունը, եթե ոչ, ապա դրա համար պատասխանատու է  ՀՀ կառավարությունը, օրենսդիր մարմինը և այս ընտրություններում նրանք պետք է քաղաքական պատասխանատվություն կրեն դրա համար»,-ասաց Արտակ Զեյնալյանը:

Ըստ նրա՝ որրպեսզի կարողանան ապահովել մարդու իրավունքները այնպես, ինչպես ուզում է ժողովուրդը, ապա պետք է կարողանան ապահովել  մարդկանց, քաղաքացիների ընտրական իրավունքը:

«Դրանից է  սկսվում մնացած ամեն ինչ:  Եթե այլ իրավունքների ապահովման, պաշտպանության համար անհրաժետ  են որոշակի գործողություններ, ընթացակարգեր, օրենքների ընդունում, ապա ընտրական իրավունքի համար հենց մեզնից է պահանջվում անել ուղղակիորեն գործողություններ: Այսինքն մենք իշխանության գալու ենք քվեարկությամբ, ընտրություններով և ընտրություններով հեռանալու ենք իշխանությունից: Սա հենց այն է,  ինչ որ մենք ապահովելու ենք ընտրական իրավունքի մասով»,-ասաց Զեյնալյանը:

Արամ Մանուկյանը, անդրադառնալով քաղաքական բանտարկյալների խնդրին, նշեց, որ ՀԱԿ-ը այդ առումով ամենաշատ տուժած քաղաքական ուժն է:

«Ամենաշատ քաղբանտարկյալները մենք ենք ունեցել, և ըստ այդմ էլ, մեր ծրագրի մեջ շատ հստակ կետ է՝ ազատել բոլոր այն մարդկանց, որոք համատասխանում  են ԵԽԽՎ-ի 1900-րդ բանաձով  սահմանված չափանիշներին: Իսկ մենք այսօր ունենք այդ չափանիշներին համապատասխանող ազատազրկվածներ և բոլոր քաղաքական ուժերը պետք է այս խնդրին հետամուտ լինեն»,-ասում է Մանուկյանը:

Նա նշում է, որ բոլոր քաղաքական ուժերը ոչ միայն նախընտրական պայքարի ժամանակ, այլ ընդհանրապես  իրենց ամբողջ էներգիան պետք է ներդնեն մարդու սահմանադրականությունը պաշտպանելուն,  իր երկրում մարդու ազատ գործելու իրավունքը  ներդնելուն, որից հետո նոր կարելի է խոսել ժողովրդավար երկրի մասին:

«Ընդհանուր առմամբ մարդու իրավունքների առումով Հայաստանը շատ տխուր վիճակում է, շատ տխուր»,-ասում է Մանուկյանը:

ԲագրատԵսայանը կարծիք հայտնեց, որ քաղաքական հայացքներ ունենալը և բանտարկված լինելը անմիջական իրար հետ կապելը թյուրիմացության մեջ կարող է դնել բոլորին:

«Քաղբանտարկյալներ, քաղաքական հոդվածով բանտարկված մարդիկ Հայաստնում չկան, որովհետև քաղաքական հոդվածներ չկան: Հիշեցնեմ, որ  երևի ամենաժողովրդավարական սահմանադրությունը ստալինյան Սահմանադրությունն էր, ԽՍՀՄ Սահմանադրությունն էր, բայց այն ժամանակ կային քաղբանտարկյալներ: Որպեսզի քաղբանտարկյալ գնահատականը տրվի, դու պետք է խորանաս գաղափարախոսության մեջ: Մենք այստեղ դնում ենք մարդու հիմնական իրավունքները, մարդը ունի հանգստի, կրթության, առողջության իրավունք և այն լիբերալ գաղափարախոսությունը,  որ վերջին 26 տարում եղել է Հայաստանում, մենք մտադիր ենք փոխել և հանդես ենք գալիս մեր հիմնական սկզբունքից՝ ելնելով, որը ընկերվարական, սոցիալիստական գաղափարախոսությունն է»,-ասում է Եսայանը:

Անահիտ Բախշյանն ասում է, որ  «Ազատ դեմոկրատներ» կուսակցության ծրագրում ներառված է թե հոկտեմբերի 27-ի ոճրագործության բացահայտումը, թե մարտի 1-ի սպանությունների բացահայտումը:

«Մեր ծրագրում ներառել ենք ու շատ կարևոր կետեր ունենք նաև այն մասին, որ պետք է ուժեղացնել Հայաստանում մարդու իրավուքնների պաշտպանի ինստիտուտը և եվրոպական դատարան դիմելու ինստիտուտը: Պիտի բոլոր այն որոշումները, որոնք այս կամ այն դատավորների սխալականության հետևանքով են ու եվրոպական դատարանի կողմից կառավարությանը ստիպում են գումար վճարել, այդ բոլոր գումարները պետք է սխալը գործած դատավորների գրպանից գանձվի»,-ասում է Բախշյանը:

Տիգրան Սարգսյանն էլ կարծիք հայտեց, որ մարդու իրավունքների պաշտպանությունը սկսում է օրենսդրությունից:

«Մարդու իրավունքների հռչակումը բավարար չէ, անհրաժեշտ է մեխանիզմներ մշակել, որպեսզի մարդը կարողանա հասկանալ խաղի կանոնները: Հայաստանում իհարկե կան քաղբանտարկյալներ, ես կտամ Շանթ Հարությունյանի անունը, որովհետև ինքը ընդամենը բողոքի ակցիա էր անում, ինքը գործողություն էր բեմականացնում և հասարակական հնչեղություն էր ուզում տալ իր պահանջներին, և ես այնտեղ որևէ հանցավոր բան չտեսա»,-ասում է Սարգսյանը:

Նա ասում է, որ մարդու իրավունքները պաշտպանելու համար շատերին թվում է, թե պետք է ունենալ ուժեղ իրավապահ մարմիններ, դատական համակարգ, բայց Սարգսյանի համոզմամբ պետք է ունենալ լավ խորհրդարան:

«ՀՀ-ն ցավոք խորհրդարան չունի, որովհետև բոլոր օրենսդրական նախաձեռնությունները կառավարությունն է բերում, իսկ խորհրդարանի թիվ մեկ խնդիրը օրենսդիր աշխատանք կատարելն է: Լավ գրված օրենքը շատ հազվադեպ կարող է ոտնահարվել, եթե լավ գրված օրենքի հետևում կանգնած է  լավ քաղաքացի, այդ օրենքը հնարավոր չէ ոտնահարել: Այսօր Ընտրական օրենսգիրքը այնպես  է գրված, որ անգամ մասնագետները չեն հասկանում և նման պայմաններում ինչպես կարող է ընտրողը իր ընտրական իրավունքը պաշտպանել, եթե ինքը օրենսդրությունը չի կարողանում հասկանալ: Որովհետև օրենսդիր մարմինը չի կարողանում լավ ձևակերպել իր պահանջները»,-ասում է Սարգսյանը:

Բանավեճի շարունակությունը դիտեք այստեղ:

Տեսանյութ
Print Friendly and PDF
Այլ մամլո հաղորդագրություններ
«Մարտահրավերներ, խոչընդոտներ և ձեռքբերումներ 26-ամյա անկախության ճանապարհին»
20.09.2017
11:00
Սեպտեմբերի 20-ին «Մեդիա կենտրոնում» (հասցե`Սարյան 12, 3-րդ հարկ) տեղի ունեցավ քննարկում` նվիրված ՀՀ Անկախության տոնին «Մարտահրավերներ, խոչընդոտներ և ձեռքբերումներ 26-ամյա անկախության ճանապարհին» թեմայով:
«Ժողովրդավարության միջազգային օր. ժողովրդավարության հաստատման խոչընդոտներն ու մարտահրավերները Հայաստանում»
15.09.2017
12:00
Սեպտեմբերի 15-ին «Մեդիա կենտրոնում» տեղի ունեցավ Ժողովրդավարության միջազգային օրվան նվիրված հարցազրույց Հայաստանի Հելսինկյան կոմիտեի նախագահ Ավետիք Իշխանյանի հետ` «Ժողովրդավարության հաստատման խոչընդոտներն ու մարտահրավերները Հայաստանում» թեմայով:
Խավարում ցուցահանդեսի հարկադիր կասեցում. որոշման դրդապատճառների գնահատում ու քննարկում
14.09.2017
12:00
Սեպտեմբերի 14-ին Մեդիա կենտրոնում տեղի ունեցած քննարկումը ««Խավարում» ցուցահանդեսի հարկադիր կասեցման և որոշման դրդապատճառների շուրջ էր:
«Ինչի՞ համար է վճարում ուսանողը Հայաստանում. բարձրագույն կրթության համակարգային խնդիրները»
14.09.2017
11:00
Հայաստանի բարձրագույն կրթության ոլորտում անհրաժեշտ են կտրուկ և համակարգային բարեփոխումներ: Այս կարծիքին են կրթության ոլորտի փորձագետները, որոնք սեպտեմբերի 14-ին մասնակցեցին «Մեդիա կենտրոնում» կազմակերպված քննարկմանը` «Ինչի՞ համար է վճարում ուսանողը Հայաստանում. բարձրագույն կրթության համակարգային խնդիրները» թեմայով:
«Հայաստանում բժշկական պարտադիր ապահովագրության ներդրման անհրաժեշտությունն ու խնդիրները»
13.09.2017
12:00
Մարդկային զարգացման միջազգային կենտրոնը զեկույց էր հրապարակել Հայաստանում բժշկական պարտադիր ապահովագրություն ներդնելու անհրաժեշտության ու այդ գործընթացին առնչվող խոչընդոտների վերաբերյալ։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ